Manuell fordeling av nye innbyggarar utan plass på fastlegeliste 

Manuell fordeling – betre kontroll for kommunen  

Kommunen kan be Helfo slå av den automatiske tildelinga og sjølv ta ansvar for fordeling av desse innbyggarane. Nye innbyggarar vil då stå utan fastlege fram til kommunen ber Helfo om å fordele dei til utvalde fastlegelister med ledig kapasitet. Kommunen må avtale med fastlegane korleis fordelinga av innbyggarane skal skje, og deretter gje beskjed til Helfo, slik at Helfo kan gjennomføre fordelinga.  For kommunar som samarbeider om fastlegeordninga, vil valet vertskommunen gjer, gjelde for resten av kommunane i kommunesamarbeidet. 

Kommunen har ikkje høve til å fordele namngjevne innbyggarar til bestemte fastlegelister.  

Kommunane som vel manuell fordeling, kan når som helst be Helfo om å endre tilbake til automatisert fordeling igjen.  

Korleis går de fram for å endre til manuell fordeling?  

Viss din kommune ynskjer å styre fordelinga av innbyggarar utan listeplass sjølv, ber vi deg sende ein e-post til post@helfo.no og skrive Fastlege – manuell fordeling i emnefeltet.  

Korleis fordele manuelt?  

• I oversikta under vil de til ei kvar tid kunne sjå kor mange innbyggarar i din kommune som har rett til fastlege, men som ikkje har fått plass på ei fastlegeliste.   

• I dialog med fastlegane i kommunen legg de ein plan for fordeling av innbyggarane. Når planen er klar, fyller de ut dette Excel-skjemaet: "Skjema for manuell fordeling av innbyggere (Excel)" og sender det til post@helfo.no, slik at Helfo får gjennomført fordelinga i tråd med bestillinga.  

• Det er viktig at de før bestilling sjekkar at det er ledig plass på fastlegelista de vil fordele til. Om det ikkje er ledig plass på lista, kan de be om auke av listetak før bestillinga. De må og sjekke om lista er open, for Helfo kan ikkje fordele til ei lukka liste.   

• Det er viktig å vere klar over at sjølv om fastlegelistene blir oppdatert berre den første i kvar månad, skjer det endringar som ligg «i kø» gjennom heile månaden. 10 ledige plassar eine dagen, kan ha endra seg til 5 til neste dag. Derfor er det lurt å be Helfo låse fastlegelistene det er aktuelt å fordele til. På den måten sikrar de at listene ikkje fyller seg opp før de får gjort avtale med fastlegane og bestilt fordeling hos Helfo.   

• De må sende skjema til Helfo rett etter at kommunen har gjort avtale med dei aktuelle fastlegane. Helfo låser opp listene etter at fordeling er gjort.   

De kan bestille auke av listetak samtidig som de gir beskjed om fordeling av innbyggarar.  

Ver obs på at barn har rett til å følge foreldre og at det derfor kan bli fordelt fleire til ei liste enn kva det er plassar på lista.  

Ei bestilling til Helfo kan då sjå slik ut:

Eksempel på bestilling

Ei kommune ser av oversikta under at dei har 20 innbyggarar som ikkje har fått plass på ei fastlegeliste enno. Kommunen sjekkar status på fastlegelistene i kommunen og går i dialog med fastlegane om fordeling av desse 20. Kommunen gjer avtale med 3 fastlegar:

• Fastlege a med FLR ID 10 har låst liste, men har 20 ledige plassar. Hen tek imot 5 nye innbyggarar.
• Fastlege b med FLR ID 11 har full liste som er lukka, men hen ynskjer å auke listetaket med 10 og ta imot 10 nye innbyggarar
• Fastlege c med FLR ID 12 har nesten full liste som er lukka (2 ledige plassar). Hen ynskjer å ta imot 5 nye innbyggarar og ber då samtidig om at listetaket vert auka med 3 for å få plass til dei 5.

En bestilling til Helfo kan då sjå  slik ut:

Oversikt over innbyggarar utan listeplass  

Under kan de sjå status for eiga kommune. Her kan de sjekke  

• om kommunen har valgt automatisk tildeling eller manuell fordeling  

• om det er mange innbyggarar som står utan plass  

• fastlegesituasjonen i kommunen  

• status for den enkelte fastlegeliste  

For meir informasjon om den enkelte fastlegeliste, kan de klikke på ei av listene i tabellen nede til høgre, og så klikke på pila nedst til i høgre i tabellen.